O luns 25 de maio dez alumnos e alumnas de 2º de ESO reuníronse na biblioteca para facer unha lectura dramatizada da peza teatral de Manuel Núñez Singala O achado do castro. A idea era que trouxesen lido o primeiro acto e “ensaiado” o personaxe que lles tiña sido atribuído, para así facer a lectura máis áxil e entretida; nunha reunión posterior faríase o mesmo co segundo acto da obra. O entusiasmo posto na interpretación foi tal que, finalmente, decidiuse ler o texto enteiro nunha única reunión que acabou durando case hora e media en lugar dos corenta e cinco minutos previstos inicialmente.
A experiencia resultou por tanto máis estimulante e divertida do que pensabamos, tal e como se pode apreciar nas imaxes que tomamos durante a lectura:
A Poza da Moura 
Deixar unha resposta